I pionértiden
KARIN MOE: "SPRING OG KJØP!"
STAVANGER AFTENBLAD 28.10.94

Det er sjeldan å møta ei fullt ferdig, fullverdig debutbok med lovnader om mykje meir. Ei slik bok har Torild Wardenær skrive: "I pionertiden". Mange av tankane, somme tilnærmingsmåtar deler ho med fleire av årets debutantar; dei lange sansingar, ja, undringa over å vera evolusjonens beste barn, vågemot til å stille dei store spørsmåla og ein kry frekkhet ved å stilla dagen høgt og tala alle dekadenseprofetar midt imot. Ein dikttittel: Å leve er lett.

Wardenær gir oss både bildet i få riss, som ein imagist, og ho meistrar resonnementet, den lange syntaksen, tusenbeinsteksten som nettopp eignar seg til å gå langt bakover eller innover og henta fram ny undring. Sjå korleis poeten i diktet "Hodet" dyttar ut og ut, setningsledd for setningsledd:

om - på - i - med - under; utsatt, sett ut, som i ein fødsel.

Hodet

Om natten skal hodet miste bevisstheten om sin vekt.

Om dagen skal det vingle på sin tynne stengel

frøhodeforvirret, forblindet

eller hvile i hender med lokk halvveis over brønner av mangefarget blikk

i et felt kalt ansikt, meningsbelagt

med hornhinner, slimhinner, tinninger

lysende under kraniet, utsatt.

Wardenær har renaissansepoetens orientering: kunnskap og vokabular frå mange felt, moderne fysikk, fysiologi, astronomi. Alt dette trengs for å oppskriva og underliggjera det lette livet, kvardagens hendingar, som her:

Forklaring

Jeg står oppreist. Lyset treffer meg med en hastighet av trehundreogseksti kilometer i sekundet. Derfor faller jeg.

Her er mange vakre dikt, heilt gode dikt, les "Hverdag", les "Bønn", les "Av nåde". Og så får du eit presist svar på kva eit menneske er. Boka er velkomponert og det einaste eg har å utsetja på "I pionertiden", er at dikta er sette med for lita skrift; dette er det einaste som gjer den utilgjengelig og eg spør om forlaget Aschehoug har tenkt at folk over 40 år ikkje er i målgruppa for denne boka?

Hva er et menneske

Jeg ser at du går over golvet

og setter deg i en stol.

det jeg ikke ser er at det

fra bare eneste av dine tanker

bølger flater av dypblå fløyel og

at vegger legger seg perlemorskimrende

ned rundt deg.

Spander lupe; spring og kjøp!